كل ... عاشق ..!!!
كل عاشق له جديده اللي طرا
في قليبه يوم عشقه له وليد
يا الغرام اللي بقلبي أنورا
مرحبا بك ألف مرحب يا الوليد
في ربوعي وبين رمشي أزهرا
لك خفوق في ضلوعي والوريد
يا الغرام اللي بروحي قد سرا
كل همس من دلالك عندي عيد
من عرفتك كل عمري تعطرا
وليل عشقي صار نبضك يا التليد
ومن دلالك قلبي يا عشق أشعرا
بالقصايد والقوافي والنشيد
أنت يا عشق على العاشق ترا
كل نوره من قريب ومن بعيد
كل عشق ضم خل أزهرا
ويا حلاة العشق في قلبي يزيد
يا كفوفي قبلي جرح برا
يوم شفت الخل صار الجرح عيد
ألف مرحب بالغرام اللي طرا
في قليبي وصار حالي به جديد
كل عشق له شذاه اللي سرا
وعطر بطيبه ودهنه ألف جيد
بلغوا العشاق عشقي ما طرا
بفكر عاشق من قريب ومن بعيد
عشق قلبي لا كتمته ينقرا
من خفوقي وفي رموشي وبالوريد
